388
هنتكلم النهارده عن موضوع مش بعيد عن التوحد لكن مكمل ليه لمرحله معينه وهي مرحله الدمج هنبدا بس حاجه بسيطه اولا لازم نعرفها
ان قانون الدمج الذي تم تعديله على تطبيق الدمج للطلاب ذوي الاعاقات البسيطه بالفصول النظاميه بمدارس التعليم العام والحكوميه والمدارس الخاصه ومدارس اللغات و مدارس التعليم المجتمعي وطبعا يفضل المدارس اللي فيها غرف مصادر او المناهل طبعا لحد اقصى 4 من نفس الاعاقه يشترط القبول بالنسبه للاعاقه السمعيه الا يزيد عن عن 70 ديسبيل ولا يقل عن 40 اما الاعاقه الذهنيه الا تقل درجه الذكاء عن 65 ولا تزيد عن 84
انا حابه بس احكي تجربتي مع الدمج اولا ان احنا لازم نعرف ان الدمج عشان يتم في المدارس و لو انا عندي طفل توحد ان انا باعمل له حاجه اسمها اختبار كارز و بعد الاختبار وعلى حسب الدرجه بتاعته لو بسيط متوسط وبناء عليه يتم قبوله في المدرسه او يعني وجود الشهاده او من عدم وجودها
البند بيقول من حق الطالب ذى الإعاقة الذى تنطبق عليه الشروط أن يدمج بأقرب مدرسة لمحل إقامته، ويفضل أن تتوافر بها غرفة مصادر أو غرفة مناهل المعرفة و كذلك يراعى كل الفئات التى تستحق الدمج التعليمى من ذوى الإعاقات البسيطة المختلفة، وتمت إضافة فئات أخرى إلى قرار الدمج لم تكن موجودة فى القرار السابق
يبقى اي ام او اب لو ما فهمش يعني ايه قانون دمج فبالتالي هيضيع حقه و حق ابنه أو بنته في المدرسه و هنحكي بعض المواقف البسيطه وكيفيه المعالجه ساعتها
و أنا حابة بس اقدم مجموعة نصائح لاولياء الامور اللى بيقدموا لاولادهم فى المدارس
النصيحة الأولى
لازم اقرا قانون الدمج كويس جدا ولازم اقرا ما ينص عليه القانون لو انا ابني مثلا عنده اعاقه سمعيه او ابني عنده توحد اوعنده متلازمة داون او تاخر لازم اعرف ما ينص عليه القانون كويس جدا قبل ما اروح المدرسه وابدا اجراءات التقديم مع المديريه او الاداره في قبول الولد
النصيحة الثانية
اما انا بقدم اوراقي في حاله رفض قبول طلب ان الطفل يقيد في المدرسه لازم اخطر المديريه و اخطر الاداره ان المدرسة رفضت ولازم اعرف لماذا تم رفض الطلب
النصيحة الثالثة
اذا طلب من الاسرة توفير المساعدة فيجب ان تكون المساعدة فى صورة طبيب أو شخص متخصص و يكون مدرب جيدا علي العمل و يجب ان يكون لديه المهارة فى عمليه دمج الطفل باقرانه ومعلمين المدرسه